ഗണിതലാബ് ഒരുക്കുന്നതിന് ആവശ്യമായ സ്റ്റിക്കര്‍ കാര്‍ഡുകള്‍, കറന്‍സി, ഗെയിം ബോര്‍ഡ് തുടങ്ങിയവ...
courtesy: mattannur brc
എല്‍ പി, യു പി ക്ലാസ്സുകളിലെ ഗണിത പഠനപിന്നോക്കാവസ്ഥ പരിഹരിക്കാന്‍ എസ് എസ് എ ആവിഷ്കരിച്ച പരിപാടിയാണ് ഗണിത വിജയം. ഗണിതലാബ് ഒരുക്കുന്നതിന് ആവശ്യമായ സ്റ്റിക്കര്‍ കാര്‍ഡുകള്‍, കറന്‍സി, ഗെയിം ബോര്‍ഡ് തുടങ്ങിയവ താഴെ കൊടുത്ത ലിങ്കുകളില്‍ നിന്നും ഡൗണ്‍ലോഡ് ചെയ്യാം. (rar ഫയല്‍ ആയാണ് ഇവ കൊടുത്തിരിക്കുന്നത്. ഡൗണ്‍ലോഡ് ആവാന്‍ കുറച്ചു സമയം കാത്തിരിക്കേണ്ടി വരും. ലിങ്കില്‍ ക്ലിക്ക് ചെയ്ത് ഡൗണ്‍ലോഡ് ചെയ്യുക. ഫയല്‍ നേരിട്ട് ഓപ്പണ്‍ ആവുകയില്ല. ഓപ്പണ്‍ ആക്കുന്നതിനു വേണ്ടി ഫയലില്‍ റൈറ്റ് ക്ലിക്ക് ചെയ്ത് Extract Here ക്ലിക്ക് ചെയ്യുക. rar ഫയലിന്റെ അതേ പേരില്‍ വേറൊരു ഫോള്‍ഡര്‍ വരും. ഫോള്‍ഡറിലെ എല്ലാ ഫയലും തുറക്കാനാവും.)
നമ്പര്‍ കാര്‍ഡ്, ഡൊമിനോസ് , അരവിന്ദ് ഗുപ്ത സ്ഥാനവില കാര്‍ഡ് തുടങ്ങിയവയുടെ സ്റ്റിക്കറുകള്‍
🎋🍀🎋🍀🎋🍀🎋🍀🎋 *വെള്ളപ്പൊക്കത്തിൽ*
*-------------------------*
മറക്കാനാവില്ല കേരളത്തിന് ആ പ്രളയം; നാടിനെ ഇളക്കിമറിച്ച '99 ലെ വെള്ളപ്പൊക്കം'; ചരിത്രം
പ്രകൃതിദുരന്തങ്ങൾ ഒരു നാടിനെയും അതിന്റെ സംസ്കാരത്തെയും നിത്യജീവിതത്തെയും മാറ്റിമറിച്ച സംഭവങ്ങൾ ലോകത്തിൽ ആദ്യമല്ല. കേരളവും നിരവധി പ്രകൃതി ദുരന്തങ്ങൾക്കു സാക്ഷിയായ സംസ്‌ഥാനമാണ്. ഇരുപതാം നൂറ്റാണ്ടിൽ കേരളം കണ്ട എറ്റവും വലിയ പ്രകൃതി ദുരന്തമാണ് തെണ്ണൂറ്റിയൊമ്പതിലെ വെള്ളപ്പൊക്കം എന്നു പഴമക്കാരുടെ ഇടയിൽ പ്രചാരമുള്ള 1924–ലെ വെള്ളപ്പൊക്കം. കൊല്ലവർഷം 1099 കർക്കിടക മാസത്തിൽ ഇതുണ്ടായത് എന്നതിനാലാണ് തൊണ്ണൂറ്റൊമ്പതിലെ വെള്ളപ്പൊക്കം എന്നപേരിൽ ഇതറിയപ്പെടുന്നത്.
കേട്ടറിവിനേക്കാൾ വലുതാണു തൊണ്ണൂറ്റൊൻപതിലെ വെള്ളപ്പൊക്കം എന്ന സത്യം. 1924 ജൂലൈ-ഓഗസ്റ്റ്‌ മാസങ്ങളിലായി കേരളത്തിൽ ഉണ്ടായത് ഭീകരമായ വെള്ളപ്പൊക്കമാണ്. മൂന്നാഴ്ചയോളം നീണ്ടുനിന്ന പേമാരിയിലും കേരളത്തിലെ താഴ്ന്ന ഭാഗങ്ങൾ മുഴുവൻ മുങ്ങിപ്പോയി. മദ്ധ്യതിരുവിതാംകൂറിനേയും തെക്കൻ മലബാറിനേയും പ്രളയം ബാധിച്ചു. സമുദ്രനിരപ്പില്‍ നിന്ന് 6500 അടി ഉയരമുള്ള മൂന്നാറിലെ തേയിലത്തോട്ടങ്ങളില്‍ വരെ വെള്ളപ്പൊക്കമുണ്ടായി എന്ന് പറയുമ്പോള്‍ തന്നെ അതിന്റെ കാഠിന്യം നമുക്ക് ഊഹിക്കാവുന്നതാണ്. ഇതില്‍ എത്രപേര്‍ മരണപ്പെട്ടു എന്നതിന് കണക്കുകളില്ല. അങ്ങനെ ഒരു കണക്കെടുക്കാനുള്ള സംവിധാനം അന്നുണ്ടായിരുന്നില്ല എന്നതാണ് വാസ്തവം.
അല്‍പമെങ്കിലും ഉയര്‍ന്ന പ്രദേശങ്ങളിലെല്ലാം അഭയാര്‍ഥികളെക്കൊണ്ട് നിറഞ്ഞു. പ്രളയത്തോടൊപ്പം പട്ടിണിയും ജനങ്ങളെ വലച്ചു. മദ്ധ്യകേരളത്തെയാണ് പ്രളയം ഏറ്റവും മാരകമായി ബാധിച്ചിരുന്നത്. ഏറണാകുളം ജില്ലയുടെ നാലില്‍ മൂന്ന് ഭാഗവും വെള്ളത്തിനടിയില്‍ മുങ്ങി. കുട്ടനാട് പൂര്‍ണ്ണമായും വെള്ളത്തില്‍ താഴ്ന്നു. മദ്ധ്യ തിരുവിതാംകൂറില്‍ 20 അടിവരെ വെള്ളം പൊങ്ങുകയുണ്ടായി. മലബാറിലും പ്രളയം കനത്തതോതില്‍ ബാധിച്ചിരുന്നു. തെക്കേ മലബാര്‍ വെള്ളത്തിനടിയിലായി. കോഴിക്കോട് പട്ടണം പകുതിയിലേറെയും മുങ്ങി. രണ്ടായിരം വീടുകള്‍വരെ നിലം പതിച്ചു.
കേരളത്തിന് സംഭവിച്ച മറ്റൊരു പ്രധാനനഷ്ടം മൂന്നാറിനേറ്റ ആഘാതമായിരുന്നു. ബ്രിട്ടീഷുകാരുടെ പ്രിയപ്പെട്ട താവളമായിരുന്ന മൂന്നാറില്‍ വൈദ്യുതിയും റോപ്പ് വേയും തീവണ്ടിയും വരെ ഉണ്ടായിരുന്നു. കിലോമീറ്ററുകളോളം പരന്നു കിടന്നിരുന്ന ബ്രിട്ടീഷുകാരുടെ തേയിലത്തോട്ടങ്ങളും. മലവെള്ളപ്പാച്ചിലും ഒഴുകി വന്ന മരങ്ങളും കൂടി മൂന്നാര്‍ പട്ടണം തകര്‍ത്തു. റോഡുകളെല്ലാം നശിച്ചു. റെയില്‍വേ സ്റ്റേഷനും റെയില്‍പാതയും എന്നെന്നേക്കുമായി മൂന്നാറിനു നഷ്ടപ്പെട്ടു. 1924 ജൂലൈ മാസത്തില്‍ മൂന്നാറില്‍ രേഖപ്പെടുത്തിയ മഴയുടെ അളവ് 171 ഇഞ്ചായിരുന്നു. ബ്രിട്ടീഷുകാര്‍ അവിടെ വീണ്ടും തേയിലച്ചെടികള്‍ നട്ടും റോഡുകള്‍ നന്നാക്കിയും പഴയ മൂന്നാറാക്കി മാറ്റി. എന്നാല്‍ ആ വെള്ളപ്പൊക്കത്തില്‍ മൂന്നാറിനു സംഭവിച്ച ഒരു വലിയ നഷ്ടം റെയില്‍ഗതാഗതം തന്നെയായിരുന്നു. കുണ്ടള വാലി റെയില്‍വെ എന്ന പേരിലറിയപ്പെട്ടിരുന്ന മൂന്നാറിലെ തീവണ്ടി സര്‍വ്വീസ് ഇന്നും ഒരോര്‍മ്മക്കുറിപ്പായി അവശേഷിക്കുന്നു.
കരിന്തിരി മലയിലുണ്ടായ മണ്ണിടിച്ചിലിനെതുടര്‍ന്ന് മൂന്നാറിലേക്കുള്ള റോഡ് പൂര്‍ണമായും തകര്‍ന്നു. പിന്നീടാണ് കോതമംഗലത്തുനിന്ന് മൂന്നാറിലേക്ക് പുതിയ റോഡ് നിര്‍മ്മിച്ചത്. മാസങ്ങളോളം നീണ്ട ദുരിതമാണ് 1099 ലെ വെള്ളപ്പൊക്കം നാടിന് സമ്മാനിച്ചത്. തൊണ്ണൂറ്റിയൊമ്പതിലെ വെള്ളപ്പൊക്കത്തിന്റെ പശ്‌ചാത്തലത്തിൽ തകഴി ശിവശങ്കരപ്പിള്ള രചിച്ച ചെറുകഥയാണ് ‘വെള്ളപ്പൊക്കത്തിൽ’. പ്രക്യതിയോടുള്ള മനുഷ്യന്റെ കാഴ്ചപാട് മാറിയില്ലെങ്കിൽ ഇതിലും വലിയ ദുരന്തങ്ങൾക്ക് നാം ഇനിയും സാക്ഷിയാകേണ്ടി വരും.
🎋🍀🎋🍀🎋🍀🎋🍀🎋
*കുട്ടികളിലെ പഠനവൈകല്യം എങ്ങനെ കണ്ടെത്താം?*
⚡⚡📚📚📖📖⚡⚡
അവ പരിഹരിക്കാന്‍ എന്തെല്ലാം മാര്‍ഗ്ഗങ്ങള്‍ സ്വീകരിക്കാം ?
” എത്ര ശ്രമിച്ചിട്ടും കുട്ടിക്ക് ശ്രദ്ധയോടെ പഠിക്കാന്‍ സാധിക്കുന്നില്ല. പാഠഭാഗങ്ങളെല്ലാം വളരെ പെട്ടെന്നാണ് മറന്നുപോവുന്നത്. ഗുണനവും ഹരണവും എങ്ങനെയെന്ന് പോലും അവനറിയില്ല”.
മകന്റെ ഈ അവസ്ഥയില്‍ അജീഷിന്റെ അമ്മ വളരെ ദുഃഖിതയാണ്. മൂന്നാം ക്ലാസ് വരെ പഠിക്കാന്‍ വളരെ മിടുക്കനായിരുന്ന കുട്ടിക്ക് പിന്നെന്താണ് സംഭവിച്ചത് ? അജീഷിന്റെ അമ്മ മാത്രമല്ല, പല മാതാപിതാക്കളും നേരിടുന്ന ഒരു അവസ്ഥയാണിത്.
സാധാരണയായി കുട്ടികള്‍ക്കുണ്ടാവുന്നൊരു പ്രശ്നമാണ് പഠനവൈകല്യം. ഇതിന്റെ ആരംഭത്തില്‍ മാതാപിതാക്കളില്‍ പലരും കരുതുന്നത് കുട്ടിയുടെ ബുദ്ധിക്കുറവും മടിയും കൊണ്ടാണ് ഈ അവസ്ഥ ഉണ്ടാവുന്നതെന്നാണ്.
എന്നാല്‍ പലപ്പോഴും കാരണം ഇതാവണമെന്നില്ല. കാരണമറിയാതെ കുട്ടികളെ ശാസിച്ചാല്‍ അത് ചെന്നെത്തുന്നത് വലിയ വിപത്തുകളിലേക്കാവും
*എങ്ങനെ തിരിച്ചറിയാം ?*
സാധാരണകുട്ടികള്‍ക്ക് മനസ്സിലാക്കാനും പഠിക്കാനും കഴിയുന്ന പാഠഭാഗങ്ങള്‍ അസാമാന്യമായ ബുദ്ധിസാമര്‍ത്ഥ്യമുള്ള കുട്ടികള്‍ക്ക് പഠിക്കാന്‍ കഴിയാത്ത അവസ്ഥയാണ് പഠനവൈകല്യം.
ഇത് പല മാതാപിതാക്കള്‍ക്കും പ്രാരംഭത്തില്‍ തിരിച്ചറിയാന്‍ കഴിയില്ല. പഠനത്തില്‍ പിന്നോക്കമെങ്കിലും ചില കുട്ടികള്‍ പാഠ്യേതര വിഷയങ്ങളില്‍ വളരെ മികവ് പുലര്‍ത്താറുണ്ട്.
പഠനവൈകല്യമുള്ള കുട്ടികളുടെ കൈയക്ഷരത്തില്‍ നിന്നും അവരുടെ നിലവാരം മറ്റുള്ളവര്‍ക്ക് മനസ്സിലാക്കാം. എഴുതാനുപയോഗിക്കുന്ന പെന്‍സില്‍, പേന എന്നിവ വ്യത്യസ്തമായ രീതിയിലായിരിക്കും അവര്‍ ഉപയോഗിക്കുന്നത്. എഴുത്ത്് ആരംഭിക്കുമ്പോള്‍ മുതല്‍ കുട്ടികളുടെ മനസ്സില്‍ എന്തെന്നില്ലാത്ത ഒരു ഭയം ഉടലെടുക്കും.
എഴുതുമ്പോള്‍ വാക്കുകള്‍ക്കിടയില്‍ കൃത്യമായ അകലം നല്‍കാന്‍ ഇവര്‍ക്ക് സാധിക്കില്ല. മാത്രമല്ല, അദ്ധ്യാപകര്‍ പറയുന്ന കാര്യങ്ങള്‍ അതേപടി മനസ്സിലാക്കി എഴുതാനും കഴിയില്ല. വളരെ സാവധാനത്തിലായിരിക്കും ഓരോ വാക്കുകളും എഴുതുന്നത്.
എഴുതുന്ന വാക്കുകള്‍ വീണ്ടും വീണ്ടും എഴുതുക, അക്ഷരങ്ങള്‍ അങ്ങോട്ടുമിങ്ങോട്ടും മാറിപ്പോവുക എന്നിവയും പഠനവൈകല്യത്തിന്റെ ഭാഗമാണ്. മൂന്ന് തരം പഠനവൈകല്യങ്ങളാണ് പ്രധാനമായും ഉള്ളത്.
*1. ഡിസ്ലെക്സിയ*
⚡⚡⚡⚡⚡⚡⚡⚡
അക്ഷരങ്ങള്‍ കൂട്ടിച്ചേര്‍ത്ത് വായിക്കാന്‍ സാധിക്കാത്ത അവസ്ഥയാണ് ഡിസ്ലെക്സിയ. ഉച്ചരിക്കേണ്ട രീതിയില്‍ വാക്കുകള്‍ ഉച്ചരിക്കാതിരിക്കുക, എഴുതിയ വാക്ക് എന്താണെന്ന് മനസ്സിലാക്കാതെ മനസ്സില്‍ തോന്നിയത് പറയുക. തുടക്കത്തില്‍ തന്നെ ഇതിന് വേണ്ട രീതിയില്‍ ശ്രദ്ധ നല്‍കിയില്ലെങ്കില്‍ ക്രമേണ പഠനവൈകല്യം കുട്ടിയുടെ എഴുത്തിനേയും സംസാരത്തേയും ബാധിക്കും.
*2. ഡിസ്‌ക്കാല്‍ക്കുലിയ*
⚡⚡⚡⚡⚡⚡⚡⚡
സംഖ്യകളെ കുറയ്ക്കാനും ഗുണിക്കാനും ഹരിക്കാനും പറഞ്ഞാല്‍ അവ എങ്ങനെ ചെയ്യണമെന്നുള്ളത് വൈകല്യമുള്ള കുട്ടികള്‍ക്ക് മനസ്സിലാകാതാവുന്നു. ഗുണനവും ഹരണവും എന്തെന്ന് പോലും മറന്നുപോവുന്ന അവസ്ഥ.
വഴക്കുപറയാതെ, കുട്ടികളുടെ സമീപമിരുന്ന് ഓരോ സംഖ്യകളും അവയുടെ പ്രത്യേകതകളും പറഞ്ഞു കൊടുക്കുക. ചെറുപ്പത്തില്‍ കണക്ക് എന്ന വിഷയത്തെ അകറ്റി നിര്‍ത്തിയാല്‍ പിന്നീടത് പഠിച്ചെടുക്കാന്‍ വളരെ ബുദ്ധിമുട്ടാകും. അബാകസ് പരിശീലന കോഴ്‌സുകളില്‍ കുട്ടികളെ പങ്കെടുപ്പിക്കുക.
*3. ഡിസ്ഗ്രാഫിയ*
⚡⚡⚡⚡⚡⚡⚡⚡
അക്ഷരങ്ങളും വാക്കുകളും ചേര്‍ത്ത് ഒരു വാചകമുണ്ടാക്കുന്നതെങ്ങനെയെന്ന് അറിയാത്ത അവസ്ഥയാണ് ഡിസ്ഗ്രാഫിയ. അക്ഷരങ്ങള്‍ തലതിരിച്ച് എഴുതുകയും ആവശ്യമില്ലാത്ത അകലം വാക്കുകള്‍ക്ക് നല്‍കുകയും ചെയ്യുക. അദ്ധ്യാപകരോ മാതാപിതാക്കളോ ഇത് തിരിച്ചറിഞ്ഞാലുടന്‍ പരിഹാരമാര്‍ഗ്ഗം കണ്ടെത്തുക.
അച്ഛനമ്മമാര്‍ ശ്രദ്ധിക്കാന്‍
പഠനവൈകല്യത്തില്‍ നിന്ന് കുട്ടിയെ മോചിപ്പിക്കേണ്ടത് അച്ഛനമ്മമാരുടെ ഉത്തരവാദിത്വമാണ്. കുട്ടിയുടെ മാനസ്സികാവസ്ഥ മനസ്സിലാക്കി ഉചിതമായ തീരുമാനങ്ങളെടുക്കാന്‍ മാതാപിതാക്കള്‍ക്ക് സാധിക്കണം.
📚📚📚📚📚📚📚📚
1. പഠനവൈകല്യമുള്ള കുട്ടിയെ ഒപ്പമിരുത്തി പ്രശ്നങ്ങള്‍ സാവധാനം ചോദിച്ച് മനസ്സിലാക്കുക.
2. മാതാപിതാക്കള്‍ക്ക് പറഞ്ഞുകൊടുക്കാന്‍ സാധിച്ചില്ലെങ്കില്‍ വിദഗ്ദരുടെ അഭിപ്രായം തേടുക.
3. ക്ലാസില്‍ ശ്രദ്ധിക്കാന്‍ കഴിയാത്തത് എന്തുകൊണ്ടാണെന്ന് കുട്ടിയോട് ചോദിച്ച് മനസ്സിലാക്കുക. അതില്‍ ഭീഷണിയുടേയോ വഴക്കുപറച്ചിലിന്റെയോ സ്വരം കടന്നു വരാതിരിക്കാന്‍ ശ്രദ്ധിക്കണം. അതേക്കുറിച്ച് ക്ലാസ് ടീച്ചറോട് സംസാരിച്ച് വേണ്ട ശ്രദ്ധ കൊടുക്കുക.
4. വായിക്കാന്‍ ബുദ്ധിമുട്ടുള്ള കുട്ടിക്ക് നല്ല ശ്രവണശക്തിയുണ്ടാവും. ഇതെക്കുറിച്ച് അദ്ധ്യാപികയോട് സംസാരിച്ച് വേണ്ട മാര്‍ഗ്ഗങ്ങള്‍ സ്വീകരിക്കുക.
5. ചെറിയ കുട്ടിയാണെങ്കില്‍ അമ്മയോ അച്ഛനോ കുട്ടിക്ക് ചിത്രകഥകള്‍ വായിച്ച് അതിലെ ഗുണപാഠങ്ങള്‍ പറഞ്ഞുകൊടുക്കുക. മുതിര്‍ന്ന കുട്ടിയാണെങ്കില്‍ കഥാപുസ്തകങ്ങള്‍ കുട്ടിയെക്കൊണ്ട് ഉറക്കെ വായിപ്പിക്കുക.
6.വിനോദയാത്രകള്‍ക്കായി സമയം ചെലവഴിക്കുക. ഒറ്റയ്ക്കുള്ള യാത്രയില്‍ ശ്രദ്ധിക്കേണ്ടതെന്തെന്ന് പറഞ്ഞു കൊടുക്കുകയും മറ്റുള്ള അറിവ് വര്‍ദ്ധിപ്പിക്കുകയും ചെയ്യുക.
7. കുട്ടിയുടെ പ്രവര്‍ത്തനശൈലിയും താല്പര്യങ്ങളും നിരീക്ഷിക്കുന്നതും അവയുടെ വിശദാംശങ്ങള്‍ അദ്ധ്യാപകരെ അറിയിക്കുകയും ചെയ്യുക. ഇത് കുട്ടിയുടെ പഠനത്തെ അനുകൂലമായി ബാധിക്കും.
8. കുട്ടികളുടെ പരിശ്രമത്തെ പ്രോത്സാഹിപ്പിക്കുക. ഒരിക്കലും അവരുടെ പരാജയത്തെ ചൂണ്ടിക്കാട്ടി പരിശ്രമങ്ങളെ നിരുത്സാഹപ്പെടുത്താതിരിക്കുക.
9. വീട്ടില്‍ കുട്ടിക്ക് വായിക്കാന്‍ താല്പര്യമുള്ള കുട്ടിക്കഥകളും പുസ്തകങ്ങളും സ്ഥിരമായി വാങ്ങുക. അവരുടെ വായനശീലം വളര്‍ത്തുക.
10. മറ്റുള്ളവരെക്കാള്‍ മിടുക്കനായി കുട്ടി പഠിക്കുന്നുണ്ടോ എന്നതിനു പകരം എത്രത്തോളം പരിശ്രമിക്കുന്നു എന്നതിന് പ്രാധാന്യം നല്‍കുക .
📖📖📖📖📖📖📖📖📖
ഭൂമിയും ചന്ദ്രനും പോലുള്ള ജ്യോതിർ ഗോളങ്ങൾക്കിടയിലുള്ള ശൂന്യമായ പ്രദേശമാണ് ബഹിരാകാശം അഥവാ ശൂന്യാകാശം. ശൂന്യാകാശം എന്നാണ് പേരെങ്കിലും ഇതു പൂർണ്ണമായും ശൂന്യമല്ല, വളരെ കുറഞ്ഞ സാന്ദ്രതയിലുള്ള ഹൈഡ്രജന്റെയും ഹീലിയത്തിന്റെയും പ്ലാസ്മയും, വൈദ്യുത-കാന്തിക മണ്ഡലങ്ങളും ന്യൂട്രിനോകളും ഈ പ്രദേശത്തുണ്ട്. 2.7 കെൽവിൻ (K). ആണ് ബഹിരാകാശത്തിലെ സാധാരണ താപനില. ഒരു കുബിക് മീറ്ററിൽ ഒരു ഹൈഡ്രജൻ ആറ്റം എന്ന തോതിലുള്ള പ്ലാസ്മയാണ് ഭൂരിഭാഗവും. സാന്ദ്രതകൂടിയ പ്രദേശങ്ങൾ നക്ഷത്രങ്ങളും താരാപഥങ്ങളുമായി രൂപപ്പെട്ടിട്ടുണ്ട്.
എവിടെ നിന്നാണ് ബഹിരാകാശം തുടങ്ങുന്നത് എന്നതിനു പ്രത്യേകിച്ചു ഉത്തരം ശാസ്ത്രസമൂഹം നൽകിയിട്ടില്ല. പക്ഷേ സമുദ്രനിരപ്പിൽനിന്നും 100കി.മീ മുകളിൽ കർമാൻ ലൈനിൽ ബഹിരാകാശം തുടങ്ങുന്നതായാണ് സാധാരണ എല്ലാ ബഹിരാകാശകരാറുകളിലും പരാമർശിക്കാറുള്ളത്. 1967-ൽ അന്താരാഷ്ട്ര ബഹിരാകാശ നിയമത്തിനുവെണ്ടി ഐക്യരാഷ്ട്രസഭ ബഹിരാകാശക്കരാർ പാസാക്കി. ഈ കരാർ എല്ലാ രാജ്യങ്ങൾക്കും ബഹിരാകാശപര്യവേഷണങ്ങൾക്കു പൂർണ്ണ സ്വാതന്ത്ര്യം നൽകുന്നു. ബഹിരാകാശം സമാധാനപരമായി ഉപയോഗിക്കാൻ യു.എൻ. വ്യവസ്ഥകളുണ്ടെങ്കിലും ഉപഗ്രഹവേധ ആയുധങ്ങൾ നിർമ്മിക്കുകയും ഭൂമിയുടെ ഭ്രമണപഥത്തിൽ പരീക്ഷിക്കുകയും ചെയ്തിട്ടുണ്ട്.
ഇരുപതാം നൂറ്റാണ്ടിൽ വളരെ ഉയരത്തിൽ പോകാവുന്ന ബലൂണുകളുടെ സഹായത്തോടെ ബാഹ്യാകാശ പര്യവേഷണങ്ങൾ തുടങ്ങിയിരുന്നു. അതിനു ശേഷം മനുഷ്യനുള്ളതും ഇല്ലാത്തതുമായ റോക്കറ്റുകൾ ഉപയോഗിച്ചു ധാരാളം പരീക്ഷണങ്ങൾ നടത്തി. ലയ്ക ആണ് ആദ്യമായി ഭൂമിയിൽ നിന്നും ബഹിരാകാശത്ത് എത്തിയ ജീവി. പിന്നീട് 1961-ൽ റഷ്യയുടെ യൂറി ഗഗാറിൻ ബഹിരാകാശയാത്രനടത്തുന്ന ആദ്യത്തെ വ്യക്തിയായി. പിന്നീടിങ്ങോട്ട് ധാരാളം ബഹിരാകാശ പര്യവേഷണങ്ങൾ സൗരയൂഥത്തിലെ എല്ലാ ഗ്രഹങ്ങളിലേക്കും നടത്തിയിട്ടുണ്ട്. ബഹിരാകാശത്തെത്തിയ പ്രഥമ ഭാരതീയൻ രാകേഷ് ശർമയാണ്
ബഹിരാകാശം എല്ലാംകൊണ്ടും മനുഷ്യന് വെല്ലുവിളികൾ നിറഞ്ഞതാണ്. ഭൂമിയുടെ ഭ്രമണപഥത്തിലേക്കെത്തുന്നതിനു മണിക്കൂറിൽ കുറഞ്ഞത് 28100 കി.മീ. വേഗത ആവശ്യമാണ്. ഇത് സാധാരണ വിമാനങ്ങളുടെതിനെക്കാൾ വളരെ കൂടുതലാണ്. ബഹിരാകാശത്ത് ശൂന്യതയും വികിരണങ്ങളും മറ്റ് ഭീഷണികളുയർത്തുന്നു. ശൂന്യാകാശത്തെ ഗുരുത്വമില്ലായ്മ ശാരീരികമായ ധാരാളം ബുദ്ധിമുട്ടുകളുണ്ടാക്കും. ഇത്തരം ബുദ്ധിമുട്ടുകൾ കാരണം മനുഷ്യന്റെ ബഹിരാകാശ യാത്ര ഭൂമിയുടെ ഭ്രമണപഥത്തിലേക്കും ചന്ദ്രനിലേക്കുമായി പരിമിതപ്പെടുത്തി. മറ്റിടങ്ങളിലേക്ക് മനുഷ്യൻ ഇല്ലാത്ത ഉപഗ്രഹങ്ങൾ മാത്രമാണ് പര്യവേഷണങ്ങൾക്കുവേണ്ടി അയക്കാറുള്ളത്.
* രൂപീകരണവും വർത്തമാനകാലത്തെ അവസ്ഥയും*
ബിഗ് ബാംഗ് തിയറിപ്രകാരം പ്രപഞ്ചം ഏകദേശം 13.8 ബില്ല്യൺ വർഷങ്ങൾക്കുമുൻപ് രൂപീകൃതമായതാണ്. അത്യുഷ്ണത്തിലുള്ള ആ സാന്ദ്രതകൂടിയ ആ രൂപം അതിവേഗം വികസിക്കാൻ തുടങ്ങി. ഏകദേശം 3,80,000 വർഷങ്ങൾക്കു ശേഷം പ്രപഞ്ചം തണുത്തു പ്രോട്ടോണുകളും, ഇലക്ട്രോണുകളും കൂടിച്ചേർന്ന് ഹൈഡ്രജൻ ഉണ്ടാവാൻ തുടങ്ങി. ഈ സമയത്ത് ദ്രവ്യവും ഊർജ്ജവും വേർപ്പെടുകയും ഫോട്ടോണുകൾക്കു സ്വാതന്ത്രൃമായി സഞ്ചരിക്കാൻ കഴിയുകയും ചെയ്തു. ഈ ആദ്യ വികസിത അവസ്ഥയിൽ ദ്രവ്യം ഗുരുത്വാകർഷണ ബലത്താൽ നക്ഷത്രങ്ങളും,താരാപഥങ്ങളും,മറ്റു ആകാശഗോളങ്ങളായും രൂപാന്തരപ്പെട്ടു. ഈ രൂപീകരണത്തിനു ശേഷം ബാക്കിയുള്ള ശൂന്യമായ പ്രദേശത്തെയാണ് ഇന്ന് നമ്മൾ ബഹിരാകാശം എന്നു വിളിക്കുന്നത്.
വിൽകിൻസൺ മിക്രോവേവ് അനിസോട്രോപി പ്രോബ് തുടങ്ങിയ ഉപഗ്രഹങ്ങൾ ഉപയോഗിച്ച് കോസ്മിക് മൈക്രൊവേവ് വികിരണങ്ങളുടെ അളവിന്റെ വിശകലനത്തിലൂടെയാണ് ഇപ്പോൾ പ്രപഞ്ചത്തിന്റെ രൂപം നിർണയിക്കുന്നത്. നിരീക്ഷിക്കാവുന്ന പ്രപഞ്ചം പരന്നതാണെന്നാണ് ഇത്തരം പഠനങ്ങൾ കാണിക്കുന്നത്. പ്രപഞ്ചത്തിലെ ശരാശരി ഊർജ്ജത്തിന്റെ സാന്ദ്രത ഡാർക് മാറ്ററും, ബാരിയോണിൿ മാറ്ററും ഉൾപ്പെടെ ക്യുബിക് മീറ്ററിൽ 5.9 പ്രോട്ടോണുകൾക്ക് തുല്ല്യമായാണ് കണക്കാക്കിയിരിക്കുന്നത്. പ്രപഞ്ചത്തിന്റെ സാന്ദ്രത എല്ലായിടത്തും ഒരുപോലെയല്ല. താരാസമൂഹത്തിന്റെ അകത്ത് ഗ്രഹങ്ങളിലും, നക്ഷത്രങ്ങളിലും, ബ്ലാക്ക് ഹോളിലും വളരെയധികം സാന്ദ്രതയുള്ളപ്പോൾ മറ്റു ചിലയിടങ്ങളിൽ ശൂന്യതയാണ്
*സാഹചര്യം*
ബഹിരാകാശമാണ് ഭൂമിയോടേറ്റവും അടുത്തുള്ള പ്രകൃതിദത്ത വാതരിക്തമേഖല. ഘർഷണമില്ലാത്ത ഇവിടെ നക്ഷത്രങ്ങൾക്കും ഗ്രഹങ്ങൾക്കും ഉപഗ്രഹങ്ങൾക്കും അവയുടെ ഭ്രമണപഥത്തിലൂടെ സ്വതന്ത്രമായി സഞ്ചരിക്കാം. മുകളിൽ പറഞ്ഞതുപോലെ ശൂന്യാകാശം പൂർണ്ണമായും ദ്രവ്യമില്ലാത്ത പ്രദേശമല്ല. ക്യുബിക് മീറ്ററിൽ വളരെ കുറഞ്ഞ അളവിൽ ഹൈഡ്രജൻ ആറ്റങ്ങളുണ്ട്. ഭൂമിയുടെ ഉപരിതലത്തിൽ ക്യുബിക് മീറ്ററിൽ ഏകദേശം 1025 മോളിക്യൂളുകളാണുള്ളത്. ഇത്രയും കുറഞ്ഞ അളവിൽ മാത്രം ദ്രവ്യമുള്ളതിനാൽ വൈദ്യുത-കാന്തിക തരംഗങ്ങൾക്ക് വളരെ കൂടുതൽ ദൂരം സഞ്ചരിക്കാൻ സാധിക്കും. ഗ്യാലക്സികൾക്കിടയിള്ള സ്ഥലങ്ങളിൽ ഒരു ഫോട്ടോണിന്റെ ശരാശരി വേഗത ഏകദേശം 1023കി. മീ, അഥവാ 10 ബില്ല്യൺ പ്രകാശവർഷങ്ങളാണ്.
*മനുഷ്യശരീരത്തിലുള്ള ആഘാതം*
വളരെ പെട്ടെന്ന് വളരെകുറഞ്ഞ മർദ്ദത്തിലേക്കു ചെല്ലുന്നത് നെഞ്ചിന്റെ ഉള്ളിലും പുറത്തുമുള്ള മർദ്ദത്തിന്റെ ഉയർന്ന വ്യത്യാസം പൾമനറി ബാരോട്രോമയ്ക്ക് (ശ്വാസകോശത്തിന്റെ വിണ്ടുകീറൽ) കാരണമാകും]. പെട്ടെന്നുള്ള അവമർദ്ദനത്തിൽ മർദ്ദവ്യത്യാസം കുറക്കാൻ രക്തത്തിലുള്ള ഓക്സിജൻ ശ്വാസകോശത്തിലേക്കുതന്നെ തിരിച്ചുപോകും. ഇത്തരത്തിലുള്ള ഓക്സിജനില്ലാത്ത രക്തം തലച്ചോറിലെത്തിയാൽ മനുഷ്യരുടെയും മറ്റുജീവികളുടെയും സ്വബോധം സെക്കന്റുകൾക്കകം നഷ്ടപ്പെടുകയും മിനുട്ടുകൾക്കകം മരണപ്പെടുകയും ചെയ്യും
മർദ്ദം 6.3കിലോപാസ്കലിൽ കുറഞ്ഞാൽ രക്തവും മറ്റ് ശരീര സ്രവങ്ങളും തിളക്കുന്ന എബുലിസം എന്ന അവസ്ഥയായി മാറും. ഈ അവസ്ഥയിൽ ശരീരം ഇരട്ടിയോളം വീർക്കുകയും, രക്ത ചംക്രമണം കുറയുകയും ചെയ്യും. സ്പേസ് സ്യൂട്ട് ഉപയോഗിക്കുന്നതുവഴി എബുലിസവും ശരീരത്തിന്റെ വീക്കവും കുറക്കാൻ കഴിയും. ബഹിരാകാശ പേടകത്തിൽ പരീക്ഷണങ്ങൾ നടത്തുന്ന ശാസ്ത്രജ്ഞർ ശരീരത്തിൽ ഒട്ടിക്കിടക്കുന്ന ക്രൂ ആൾട്ടിട്യൂഡ് പ്രൊട്ടെക്ഷൻ സ്യൂട്ട് എന്ന പ്രത്യേക വസ്ത്രമാണ് ധരിക്കുക. ഇതിന് മർദ്ദം 2കിലോ പാസ്കൽ വരെ കുറഞ്ഞാലും എബുലിസം തടയാൻ കഴിയും.
ഭൂമിയിൽനിന്നും 8 കിലോമീറ്ററിനു മുകളിൽ ആവശ്യത്തിനു ഓക്സിജൻ ലഭിക്കാനും ജലനഷ്ടം ഇല്ലാതിരിക്കാനും സ്പേസ് സ്യൂട്ട് ഉപയോഗിക്കണം. 20കി. മീ. മുകളിൽ സ്പേസ് സ്യൂട്ട് എബുലിസം ഉണ്ടാവാതിരിക്കാൻ അത്യന്താപേക്ഷിതമാണ്. മിക്കവാറും സ്പേസ് സ്യൂട്ടിൽ ഭൂമിയുടെ ഉപരിതലത്തിലുള്ളതുപോലെ 30 മുതൽ 39 കിലോ പാസ്കൽ ശുദ്ധമായ ഓക്സിജനാണ് ഉപയോഗിക്കുക. എബുലിസം ഉണ്ടാവാതിരിക്കാൻ ഈ മർദ്ദം മതിയാവും എങ്കിലും ശ്രദ്ധിച്ചില്ലെങ്കിൽ രക്തത്തിന്റെ ബാഷ്പീകരണം മറ്റ് അസ്വസ്ഥതകൾക്ക് കാരണമാവും
